Hote Hote Pyaar Ho Gaya..1

HOTE HOTE PYAAR HO GAYA....

Priya ek aisi ladki Jo garib pariwar me paida huyi, uske family me 6 member hai, maa suman, papa ramesh, bada bhai Vikas, or 2 choti behane Alisha, payal, 
Ye pariwar kafi garib hai, Vikas apni padhayi puri karne k bad noukari k liye dar dar bhatak raha hai par use bina sifarish k noukari kahi bhi nhi mil rahi,
Ramesh Jo ek sarkari office me mamuli se post pe hai, unki salary 10 najar se bhi niche, par itne hi paiso me ye pariwar apna gujara kar rahe hai, 
Suman apne pati ko ghar kharch me thodi madad karti hai, vo choull k aurato k kapade siti hai, iss se jitna bhi paisa aata hai vo uske ghar kharch me kam aata hai,
Iss tarha se suman or ramesh ne apne pariwar ko aage badaya, apne bachho ko achhi parvarish di, unhe padhaya, likhaya or ek achha insan banaya,
Vikas 24 sal ka tha, or usne apni padhayi puri ki or vo ab apne ghar ka kharcha uthana chahta hai koi achhi si noukari karke. par use noukari nhi mil rahi thi,
Vo ghar kharch me madat karne k liye majduri karta or apne papa ko kuch sahara deta,,,,
Priya 21 sal ki thi or vo college jati thi,
Priya dikhne sunder or saral svabhav ki thi, Jo har dam muskurana janti thi or apne pariwar ko bhi hamesha hasati rehti, koi bhi mushkil ho vo himaat nhi harati, vo papa ki ladli thi
Alisha-payal 2no twince thi, unki age 18 thi or vo bhi apna education pura kar rahi thi, ye 2no kafi ladhte rehte the, suman ko hamesha inke jhagade mitane padte, vo tang aa chuki thi 2no ki jhagado se,,,,,,
Priya roj college jati thi, use college ka ek ladka jiska nam Amit tha use vo like karti thi, jabse usne amit ko pehli bar dekha uss pal se vo amit ko chahne lagi thi,,,,
Amit Jo pure college ki shan tha, kafi amir bhi tha, sari college ki ladkiya uspe Marti thi, koi uski personality pe fida thi, to koi uske chehre pe, to koi uske sath iss liye rishta banana chahta tha k vo kafi amir hai,, or amit bhi ladkiyo se flirt karne me mahir tha, har roj uske bagal me nayi ladki hoti thi, vo jaisa bhi ho uska dil bohot saf tha, vo har jarurat mand insan ki madat karta tha, or yahi bat priya ko achhi lagti, priya uske chehre ya paiso ko dekhke use nahi chahti thi, balki vo amit k ander base huye masum dil ko chahti, 
Priya ki best friend jiska nam gita tha or vo bhi priya k hi choul me rehti thi,
Priya apni sari bate gita se share karti, mano vo 2no behne ho iss tarha miljulkar rehti thi,
Gita ne priya ko kaha bhi k vo apni dil ki bat amit se bol de, par priya bolnese ghabrati, or kehti k jiss ladke se usne aaj tak thik se bat bhi nhi ki, use kaise kahegi ki vo use like karti hai, uski bat bhi sahi thi, iss liye priya ne kabhi amit se dosti bhi nhi badhayi, or aise hi apne dil me uska pyar Daba k aage badhti rahi,,,, 
Ek din jab priya college se ghar aayi, to suman uske pas aake 

Suman- priya aaj tere liye ek rishta aaya hai, bohot amir ghar se rishta aaya beta tere liye,,,,
Priya- Kya....
Rishta or mere liye...?
Aap log mere shadi k bare me soch rahe hai or vo bhi itane jaldi,,
Suman- Teri umar ho gayi hai shadi ki tu 21 sal ki ho gayi hai, or yahi umar sahi hai,
Priya-  maa please muze abhi nhi karni shadi, muze apni padhayi puri karni hai, ek achhi job karni hai or apne ghar k halat ko badlana hai, Alisha payal ko or padhana hai, or mai shadi karke aap par or paiso ka karja nhi karna chahti maa,,
Suman-  priya bohot bade khandan se rishta aaya hai beta, agar unhe tu pasand aagayi na to hamari sari taklife dur ho jayegi,,,
Priya-  maa tu kehna Kya chahti hai,
Mtlb tu mera Soudaa karna chahti hai, un paiso wale logo se,,,
Suman- priya jaban sambhalke bat karo, mat bhulo apni maa se bat kar rahi ho,
Or mai tera souda nhi karna chahti tuze ek achhi jindagi dena chahti hu, or achhi jindgi jine k liye paisa bohot jaruri Hota hai, agar un logo ne tuze pasand kar liya na, to tuze kisi chij ki kami nhi hogi, na paiso ki na gehno ki, duniya me aisi koi bhi chij nhi hogi Jo tu kharid nhi payegi
Priya-  lekin mera utna bada sapna bhi nhi hai maa, nhi chahiye muze paisa, bangla, gadi, muze bs aap logo ko khushi deni hai, mera bs ek hi sapna hai, k kisi tarha mai apne pariwar ko ek achhi jindagi du or vo bhi apne balbute par,,,, 
Or maa muze itni kam umar me shadi nhi karni, samjh q nhi rahi ho
Suman-  tu Q nhi samjh rahi hai, hame bas tuze hi nhi bida karna or 2 betiyo ko bhi bihana hai, 
Priya bohot mushkil hota hai garibi me jindagi jina, hame apne choti choti khushiyo ka balidan dena padta hai, agar bajar me koi apne liye chij kharidna chaho na to us chotisi chij k liye bhi bohot sochana padta hai, hamari khushiyo ka gala ghotna padta hai sirf paiso k vajah se,
Jiss tarha ki jindagi Maine ji hai, mai nahi chahti ki uss tarha ki jindgi mere bachho k nasib me aaye,,,,
Priya-  nhi aayenge maa, ham Sab apne balbute pe ek achhi jindgi jiyenge, na ki kisika sahara leke,,,,
Suman-  or ye kaise hoga, apne hi ghar me tu dekh sakti hai na tera bhai itna padha likha hone k bavjud bhi log uski degree nhi dekhte balki ye dekhte hai k uske pas kisi bade aadami ki sifarish hai k nhi, dekh rahi hai na tu tera bhai padha likha hoke bhi majduro wale kam karta hai,, kehna bohot aasan Hota hai, or sunane me bhi achha lagata hai, k apne balbute par Sab karenge, par Kya ye mumkin hai, aaj k waqt me log sirf paisa dekhte hai insan nahi,,,,
Or meri ek bat kan kholke sun lo priya agar kal un logo ne tuze pasand kiya to Teri shadi hona pakki hai,
Or tere dil me koi or hai, to use apne dil se nikal de samjhi....

Suman priya ko apna faisala sunake chali jati hai, or priya akele me baithati hai, ro ro ke apna man halka kar leti hai, or maa ki bato pe thande dimag se sochti hai, kahi na kahi use suman ki bate sahi lagne lagti hai, vo kitni bhi koshish q na kar le apni pehchan banane ki par ye duniya use kabhi support nahi karegi, iss liye vo apne maa k pas jati hai use sorry kehti hai or vo maa jaisa kahegi waisa hi karegi maa ko bolti hai or ye bat sunkar suman apni beti ko gale se laga leti hai..

Suman-  priya mai Teri maa hu, or ek maa kabhi bhi apne bachho ka bura nhi chahegi, or sorry beta Maine tuzse uss tarha se bat ki, agar tere dil me koi hai to tu muze bata sakti hai, tere hi khushi me meri khushi hai
Priya-  nhi maa aisa kuch nhi hai, mai iss liye naa keh rahi thi q ki muze kuch banana tha, apne pairo pe khada hona tha, par ye itna aasan bhi to nhi hai na iss liye Teri bat mai man gayi,,,

Vahi dusri tarf Mhalotra pariwar jiska rishta priya k liye aaya hai uska nam hai sooraj, uske family me kul 7 log the,
Maa manisha, papa devendra, dadi koushlya, bada bhai goutam or uski biwi dipali, choti Behan sanjana, 
Sanjana ghar me sabse choti iss liye sabki ladali thi, use Sab pyar se sanju kehke pukarte the, or vo 2no bhaiyo ki jaan thi,
Ghar mukhiya dadi thi, Sab dadi ki respect karte, unka ek hi rule tha k ghar me sab log milke raat ka khana khaye, or unka ye rule koi bhi nahi todta, vo apne pariwar se bohot Pyaar karti hai,
Inka pariwar kafi sukhi or Jana mana pariwar hai, inka apna construction ka business hai, or samaj me achhi khasi reputation hai, 3no baap bete milkar business ko sambhalte hai.
Sooraj k papa devendra thodese strict hai, 
Or maa Manisha, simply and apne pariwar ka pura khayal rakhne wali, Jo apne bachho se bohot Pyaar karti hai, unki har khushi ka khayal rakhti hai, ghar me sabka khayal rakhana use achha lagata hai, sabki pasand na pasand ka khayal use rehta hai, ghar me noukari ki kami nahi par sabke liye khana vahi apne hatho se banati apne pati or bachho ka tifin khud pack karti, use apne pariwar k logo ki kame karna achha lagta tha,,,,
Goutam Jo sooraj se 3 sal bada hai, uski bs 2 sal pehle hi dipali se shadi huyi, usne apne marji se shadi ki, yane love marriage, vo bhi simple tarike ka ladka tha, or apne pariwar se bohot pyar karta tha,
Dipali ek amir ghar ki ladki thi or use apne status ka bohot khayal rehta, vo pariwar se Jada apne reputation ka khayal rakhti thi, par vo dadi k aage chup baithati thi, use ghar k kam karna bilkul bhi pasand nhi tha, iss liye vo apne sare kam noukaro k hatho karwati.
Sooraj ek aisa ladka Jo hamesha muskurata huva rehta, agar koi tention me ho to vo uss insan ki sari tention chutaki bajate solve karta or sabko hasata, sabki help karta, dosto se kafi attached tha, vo dosto k liye jaan bhi de sakta tha, uska dil bilkul bhi saf tha, uske dil me koi mail nahi tha, na hi kisika bura sochta or na hi kisika bura karta, vo sabke liye ideal tha, har maa ko lagta k uske jaisa beta sabko mile, 
Par pata nahi iss chamkte suraj ko kiski najar lag gayi, jaise koi grahen lag gaya ho, achanak suraj badal gaya, vo jab higher education k liye America gaya or vahase louta to his completely changed,,
Suraj hansana hi bhul hi gaya tha, hamesha gumsum rehne laga tha, uski aankho me itna dard bhara huva tha k vo apna dard aansu bahake halka bhi nhi kar sakta tha,
Suraj ko iss tarha se dekhkr Sab dar gaye the usse har koi puchta aisa uske sath Kya huva Jo vo itna badal gaya, har kisine apne apne tarf se banane ki puri koshish ki par nakamyab rahe, goutam ne uske dosto se pucha k aisa Kya ho gaya hai Jo suraj itna badal gaya hai, par kisi se bhi pata nhi chal paya k suraj k sath exactly huva Kya hai, 
Pariwar me Sab suraj ko leke pareshan rehne lage the, aise hi din gujarte gaye or suraj thoda thoda normal ho raha tha, sabke sath bat karne laga, thoda hansne laga, or usne apni marji se business join kiya, vo kam me itna busy rehnta k uske dil k dard ko bahar nikalne k liye time hi nhi deta, par uski halat ko Manisha achhese samjh rahi thi vo dekh sakti thi k suraj ander hi ander ghut raha hai, 
Or WO apne bete ko pehle ki tarha dekhna chahti thi, iss liye dadi or Manisha hamesha issi soch me rehte k suraj ko kaise pehle ki tarha banaya jaye,, or 2no ne faisala kiya ki suraj ki shadi kar di jaye jab use kisika pyar milega to hi sakta hai, vo pehle ki tarha ho jaye, or iss bat se in 2no me ummid jag gayi, or unhone shadi k bare me suraj se bat ki par suraj ne iss bare me saf inkar kar diya, fir bhi 2no ne haar nhi mani, vo kisi bhi halat me suraj ko shadi k liye raji karvana chahti thi, or fir unhone har uss nuske ko aajmaya or suraj ko raji kiya,,,,
Koushlya ne ek bar mandir me priya ko dekha or uski sarlata dekhkr use vo bha gayi, or use laga ki yahi vo ladki hai Jo uske suraj ko badal sakti hai, or priya k bare me usne Manisha ko bataya or unn dono ne priya ki khoj nikali or uske ghar rishta bheja,

Or ye bat batane k liye vo 2no suraj k pas gayi, use kaha k unhone ek ladki pasand ki hai, or use dekhne Jana hai, par suraj kehta hai k vo nhi aa sakta uski important meeting hai, or aap 2no ne Jo bhi ladki pasand ki hogi vo usse shadi karne k liye tayyar hai, use ladki dekhne Jane me koi interest nahi hai, 
Uski ye bat sunkar maa use samjati hai, par dadi Manisha ko chup rehneka ishara karti hai,,,,,